კონფიდენციალურობის პოლიტიკა

1. ვინ ვართ

Dayboo-ს სერვისს გთავაზობთ Dinein group, LLC. მოგვწერეთ [email protected]ზე ან დაგვირეკეთ: +995 599 89 06 74. ეს პოლიტიკა ეხება მშობლებს, ბაღის მიერ დაშვებულ სხვა ზრდასრულებს, ბაღის თანამშრომლებს, მფლობელებსა და ვებსაიტის სტუმრებს.

2. ვის ეკისრება პასუხისმგებლობა

ბაღი წყვეტს, რა მიზნით შეაქვს ბავშვების, ოჯახებისა და თანამშრომლების მონაცემები და ვის აძლევს წვდომას. ამ მონაცემებისთვის ბაღი არის დამმუშავებელი (კანონის ტერმინით — დამუშავებისთვის პასუხისმგებელი პირი). Dinein group, LLC მისი დავალებით მოქმედებს როგორც უფლებამოსილი პირი (დამუშავებაზე უფლებამოსილი პირი).

ბაღის მფლობელის ანგარიშის, Dayboo-ს გამოწერის, ვებსაიტის სტუმრების მონაცემებისა და სერვისის დასაცავად საჭირო შესვლისა და უსაფრთხოების მონაცემებისთვის Dinein group, LLC არის დამმუშავებელი. ბაღთან მონაცემთა დამუშავების პირობები მოცემულია DPA-ში.

მონაცემთა დამუშავების შეთანხმება

3. რა მონაცემებს ვამუშავებთ

მონაცემებს გვაწვდიან ბაღი და აპის მომხმარებლები. ზოგი ჩანაწერი იქმნება სერვისით სარგებლობისას. ქვემოთ ჩამოთვლილი ველები ყველა ადამიანისთვის შევსებული არ არის.

• ბავშვები: სახელი, გვარი, დაბადების თარიღი, სქესი თუ მითითებულია, ფოტო, მისამართი, პირადი ნომერი და მისი საძიებო ჰეში; ჩარიცხვა, ჯგუფი, განრიგი, ბაღიდან გასვლის მონაცემები და თანამშრომლის შენიშვნები.
• ბავშვის დღე: დასწრება, მოყვანა და წაყვანა, არყოფნის მიზეზი და შეტყობინება; კვება, ძილი, აქტივობები, ტუალეტის ჩანაწერები და შენიშვნები; პოსტები, ფოტოები და მონიშნული ბავშვები.
• ჯანმრთელობა: ალერგია, სიმძიმე, რეაქცია და სამოქმედო გეგმა, ადრენალინის ავტოინჟექტორის შესახებ ჩანაწერი, კვებითი შეზღუდვები, სისხლის ჯგუფი, მდგომარეობები, მედიკამენტების შესახებ ინფორმაცია და ექიმის სახელი/ტელეფონი. ინციდენტის ანგარიში შეიძლება შეიცავდეს დაზიანების ფოტოს, სხეულის მონიშნულ ნაწილებს, პირველ დახმარებასა და მშობლის ინფორმირების ჩანაწერს.
• მშობლები და სხვა ზრდასრულები: სახელი, გვარი, ტელეფონი, მისამართი, პირადი ნომერი და საძიებო ჰეში, წაყვანისას ამოსაცნობი ფოტო, ბავშვთან კავშირი, საკონტაქტო და წაყვანის უფლებები, მოწვევისა და აპის გამოყენების ჩანაწერები, თანხმობები, მშობლის შენიშვნები, მოწონებები და წაკითხვის ნიშნები.
• ანგარიშები და თანამშრომლები: სახელი, გვარი, ტელეფონი, ელფოსტა თუ მითითებულია, ენა, შეტყობინებების არჩევანი, push ტოკენი, როლი, თანამდებობა, ფილიალები, ჯგუფები, დასაქმების თარიღები, PIN-ის ჰეში და შესრულებული მოქმედებების ისტორია.
• ოჯახის გადასახადები: ფასები, შეღავათები და მათი მიზეზები, დამატებითი წრეები, ინვოისები, გადახდები, განაწილებები და ოჯახის გადახდის კოდი. ბაღის დაკავშირებული TBC ანგარიშიდან — ყველა შემოსული ლარის გადარიცხვა, მათ შორის გადასახადთან დაუკავშირებელიც: თანხა, თარიღი, გადამხდელის სახელი, ანგარიში, ბანკი, დანიშნულება და ბანკის ჩანაწერის დანარჩენი ველები, ასევე დადასტურებული დამთხვევებიდან ცნობილი გადამხდელის ანგარიშები. ბანკის ცალკე ველად მოწოდებული პირადი ნომერი ინახება მხოლოდ ჰეშად; გადარიცხვის თავისუფალ ტექსტში ჩაწერილი პირადი ინფორმაცია შეიძლება დარჩეს დანიშნულებაში. Dayboo გადარიცხვებს ოჯახებს ავტომატურად უსადაგებს და, თუ ბაღმა ეს არ გამორთო, დარწმუნებულ შემთხვევებს გადახდად აღრიცხავს.
• ბაღი და Dayboo-ს გამოწერა: ორგანიზაციის დასახელება, იურიდიული და საგადასახადო მონაცემები, ფილიალის კონტაქტები, ტარიფი, ბავშვების რაოდენობა, გადახდის თარიღები/შედეგები და პირობებზე თანხმობის ვერსია, დრო და IP მისამართი. ბარათიდან ვინახავთ დაფარულ ნომერს, ბრენდს, გადახდის ტოკენს, მის ვადას თუ მიღებულია და შენახვის მონაცემებს; სრული ნომერი და უსაფრთხოების კოდი ჩვენთან არ ინახება.
• ტექნიკური მონაცემები: IP მისამართები შესვლის შეზღუდვებისა და მოქმედებების/თანხმობის აღრიცხვისთვის, სესიები, კოდის მოთხოვნები და მცდელობები, მოწყობილობის ტიპი და სახელი, ბოლო აქტივობა, საერთო პლანშეტის ტოკენის ჰეში, ქუქი-ფაილები, მოქმედებების დრო/ავტორი, ასევე სერვერის მოთხოვნებისა და შეცდომების ჟურნალები.

4. რისთვის და რა საფუძვლით

ბაღი მონაცემებს იყენებს ბავშვის მოვლის, დღის აღრიცხვის, მშობლებთან ინფორმაციის გაზიარებისა და გადასახადების მართვისთვის. ბაღი განსაზღვრავს შესაბამის კანონიერ საფუძველს, მათ შორის ჯანმრთელობის მონაცემებისა და ფოტოების დამუშავებისთვის საჭირო საფუძველსა და თანხმობას. Dayboo ამ ნაწილში ასრულებს ბაღის დავალებას.

ჩვენ ვამუშავებთ მფლობელის ანგარიშისა და გამოწერის მონაცემებს ხელშეკრულების შესასრულებლად; კანონით საჭირო ჩანაწერებს — სამართლებრივი ვალდებულებების შესასრულებლად; შესვლისა და უსაფრთხოების მონაცემებს — სერვისისა და ანგარიშების დაცვის ლეგიტიმური ინტერესით, ადამიანების უფლებების გათვალისწინებით. ენის ქუქი-ფაილი ინახავს თქვენს არჩევანს. რეკლამისა და ქცევითი ანალიტიკის ინსტრუმენტები Dayboo-ს ვებსაიტსა და აპებში ჩაშენებული არ არის.

5. ვის შეუძლია ნახვა

თანამშრომლის წვდომა დამოკიდებულია როლზე, ფილიალსა და ჯგუფზე. მაგალითად, მასწავლებელი ხედავს მხოლოდ მისთვის მინიჭებული ჯგუფების ბავშვებს. პირადი ნომრების ნახვა შეუძლიათ მფლობელებსა და შესაბამის დირექტორებს და თითოეული ნახვა აღირიცხება. ჯანმრთელობის სრული პროფილის, ინციდენტის დეტალებისა და დაზიანების ფოტოების გახსნა აღირიცხება. ყოველდღიურ სიებსა და მენიუში ნაჩვენები ალერგიის მოკლე ნიშნები ცალკე ნახვად არ აღირიცხება.

აღმზრდელები ასევე ხედავენ ზრდასრულებს, რომლებსაც ბავშვის წაყვანის უფლება აქვთ, მათ ფოტოებთან ერთად, და ძირითადი და საგანგებო კონტაქტების ტელეფონის ნომრებს. მშობლები ხედავენ იმ თანამშრომლების სახელსა და როლს, ვინც პოსტს აქვეყნებს, განცხადებას აგზავნის ან მათ შენიშვნას ნანახად მონიშნავს; თანამშრომლები ხედავენ, რომელმა ოჯახებმა წაიკითხეს განცხადება.

Dinein group, LLC-ის პასუხისმგებელ თანამშრომლებს შენახულ ჩანაწერებზე წვდომა აქვთ შიდა ადმინისტრირების ინსტრუმენტითა და სერვერით — სერვისის მუშაობის, მხარდაჭერისა და ხარვეზების გამოსასწორებლად. ასეთი ნახვები ბაღის ისტორიაში არ აღირიცხება.

მშობელი ან სხვა ზრდასრული ბავშვის ჩანაწერებს ხედავს მხოლოდ მაშინ, როცა ბაღმა ამ ბავშვზე განახლებების მიღების უფლება მისცა. საერთო ჯგუფის პოსტები და განცხადებები შეიძლება გამოჩნდეს ამ ბავშვის არხში. ოჯახის ინვოისი შეიძლება მოიცავდეს სხვა ბავშვის თანხასაც, მისი საიდენტიფიკაციო დეტალების გარეშე.

ფოტოს გაზიარების თანხმობას მხოლოდ ბავშვთან დაკავშირებული დედა ან მამა იძლევა. მონიშნული ბავშვის ოჯახისთვის მისი საკუთარი თანხმობა ფოტოს ნახვას არ ბლოკავს: ფოტოს, რომელზეც მხოლოდ ერთი ბავშვია, მისი ოჯახი იღებს. სხვა მონიშნულ ბავშვებს უნდა ჰქონდეთ მოქმედი თანხმობა, გარდა ბავშვისა, რომლის ყველა მშობელი მიმღები ბავშვის მშობელიცაა. პოსტის ჯგუფების სხვა ოჯახები ფოტოს იღებენ, თუ გაზიარებისას ყველა მონიშნულ ბავშვზე იყო თანხმობა; ფოტოს, რომელიც მონიშნულია როგორც „ბავშვები არ ჩანან“, ჯგუფის ყველა ოჯახი იღებს. ნახვისას სხვა ბავშვების მოქმედი თანხმობა ხელახლა მოწმდება. შიდა ფოტოგადაღების ცალკე თანხმობის ჩანაწერი ამჟამად ატვირთვას არ ზღუდავს.

ბაღმა და თანამშრომლებმა საერთო ტექსტში სხვა ბავშვის პირადი ინფორმაცია არ უნდა ჩაწერონ: ტექსტში სახელების ავტომატური დამალვა არ ხდება.

6. მომსახურების მომწოდებლები

ქვემოთ ჩამოთვლილი მომწოდებლები მონაწილეობენ შესაბამის ფუნქციაში. ბანკები და გადახდის მომწოდებლები შეიძლება ასევე საკუთარი სამართლებრივი ვალდებულებებით მოქმედებდნენ.

• Hetzner — სერვერები, რომლებზეც ინახება და მუშავდება Dayboo-ს მონაცემები.
• Cloudflare — ქსელი, HTTPS და უსაფრთხოება; მას შეუძლია ნახოს გავლილი ტრაფიკი, მათ შორის IP მისამართები და მოთხოვნების შინაარსი.
• UBill — SMS-ის გაგზავნა; იღებს ტელეფონის ნომერსა და შეტყობინების ტექსტს.
• Expo, Apple და Google — push შეტყობინებების მიწოდება; იღებენ მოწყობილობის მისამართებს, შეტყობინების ტექსტსა და აპში შესაბამისი ჩანაწერის გასახსნელ იდენტიფიკატორებს.
• Flitt — ბაღის Dayboo-ს გამოწერის ბარათით გადახდა; იღებს ბარათის მონაცემებს თავის გვერდზე, გადახდის თანხას, შეკვეთის იდენტიფიკატორსა და შემდგომი გადახდის ტოკენს. ბარათის სრული ნომერი Dayboo-ს კოდს არ გადაეცემა.
• TBC Bank — მხოლოდ მაშინ, როცა ბაღი საკუთარ ანგარიშს აერთებს: მხოლოდ წაკითხვის კავშირი. Dayboo კითხულობს ანგარიშის ნაშთს და პერიოდის ყველა მოძრაობას, გამავალის ჩათვლით, და ინახავს მხოლოდ შემოსულ გადარიცხვებს; ბანკს ეგზავნება ავტორიზაციის მონაცემები, ანგარიშისა და პერიოდის მოთხოვნები.

7. სად ინახება მონაცემები

Dayboo-ს ძირითადი მონაცემები ინახება ევროკავშირში მდებარე სერვერებზე. ეს არის მონაცემთა გადაცემა საქართველოს ფარგლებს გარეთ. ქსელის, SMS-ის, push-ისა და გადახდის მომწოდებლების მიერ დამუშავება შეიძლება სხვა ქვეყნებშიც ხდებოდეს. ყველა მონაცემის მხოლოდ ევროკავშირში დარჩენას არ ვაცხადებთ. გადაცემასთან დაკავშირებული ინფორმაციისთვის მოგვწერეთ [email protected]ზე.

8. როგორ ვიცავთ

სერვისთან გარე კავშირი იყენებს HTTPS-ს. პირადი ნომრები, ბანკის კავშირის საიდუმლო მონაცემები და შენახული ბარათის ტოკენები ველების დონეზე დაშიფრულია Fernet-ით. PIN-ები ინახება ჰეშად. წვდომას ზღუდავს როლები და ბავშვის კავშირები; ჩანაწერების ცვლილებებს ახლავს აუდიტის ისტორია. ყველა მონაცემის დისკზე დაშიფვრას არ ვაცხადებთ.

push შეტყობინებებს ფოტოები არ ერთვის და ისინი არ შეიცავს ინციდენტის აღწერას, დაზიანებას, პირველ დახმარებას, ჯანმრთელობის პროფილის მონაცემებს ან მშობლის შენიშვნის ტექსტს. შეტყობინებაში შეიძლება იყოს ბავშვის სახელი და გვარის პირველი ასო, მომყვანი ან წამყვანი ზრდასრულის სახელი და დრო, ჯგუფის სახელი, ინციდენტის ჩანაწერის არსებობა (მფლობელისა და დირექტორისთვის — მისი სიმძიმეც) და განცხადების სათაური, ამიტომ განცხადების სათაურში ჯანმრთელობისა და სხვა მგრძნობიარე დეტალები არ უნდა ჩაიწეროს.

აპები მოწყობილობაზეც ინახავს შესვლის მონაცემებს. თანამშრომლის აპი ასევე ინახავს ოფლაინ სამუშაოსთვის საჭირო ადგილობრივ მონაცემებსა და გასაგზავნ ჩანაწერებს/ფოტოებს. მშობლის აპი ნანახ ფოტოებს ტელეფონის ქეშში ინახავს (დაზიანების ფოტოებს — მხოლოდ მეხსიერებაში); მშობლის მიერ შენახული ფოტო ტელეფონის გალერეაში გადადის. მოწყობილობა დაიცავით ეკრანის ბლოკირებით და საერთო მოწყობილობაზე სამუშაოს დასრულებისას ჩაკეტეთ სესია.

9. ქუქი-ფაილები (cookies)

ვებსაიტი იყენებს dayboo-locale cookie-ს ენის დასამახსოვრებლად (ენის გადამრთველიდან — ერთ წლამდე). ადმინისტრირების ვებში ასევე გამოიყენება შესვლის აუცილებელი cookies: db_session, db_access_<სესია>, db_refresh_<სესია> და db_org_<სესია>. ძველ სესიებს შეიძლება ჰქონდეს db_access, db_refresh და db_org. ტოკენებისა და ბაღის არჩევანის cookies-ის ვადა 60 დღეა; განახლება ამ ვადას თავიდან ითვლის. db_session-ის ვადა შესვლიდან 400 დღეა და ის თავისთავად წვდომას არ იძლევა. ტექნიკური სესიების ვადა არ ნიშნავს სერვერზე ჩანაწერების წაშლას.

Dayboo არ აყენებს სარეკლამო ან ანალიტიკურ cookies-ს. Cloudflare-სა და ცალკე გახსნილ მომწოდებლის გვერდებს შეიძლება ჰქონდეთ საკუთარი ტექნიკური cookies.

10. შენახვა და ანგარიშის წაშლა

ამჟამად არ მოქმედებს მონაცემების ავტომატური წაშლის საერთო გრაფიკი. ბევრ ჩანაწერს წაშლისას მხოლოდ წაშლილად ვნიშნავთ და ისტორიაში ვინარჩუნებთ. წაშლილი ფოტოების ფაილებიც რჩება შენახვის პოლიტიკის განსაზღვრამდე. აუდიტის ისტორია, თანხმობის ქვითრები და გამოწერის გადახდის ჩანაწერები ინახება; ავტომატური საბოლოო წაშლის ვადას არ ვპირდებით. აუდიტის ისტორიაში ინახება შეცვლილი ველების ძველი და ახალი მნიშვნელობები (პირადი ნომრები, ბარათის ტოკენები და ბანკის საიდუმლო მონაცემები — მხოლოდ „შეიცვალა“ სახით), ამიტომ შესწორება ძველ მნიშვნელობას ისტორიიდან არ შლის.

მშობლის აპში გახსენით „ანგარიში“ → „ანგარიშის წაშლა“. ეს აუქმებს მომხმარებლის აქტიურ ანგარიშს, წყვეტს კავშირს ზრდასრულის პროფილებთან, თიშავს მის push ტოკენებს და აუქმებს განახლების ტოკენებს. მომხმარებლის ჩანაწერი ინიშნება წაშლილად. ბავშვისა და ოჯახის ჩანაწერები, ჯანმრთელობა, ფოტოები, გადახდები, თანხმობები და ისტორია ბაღთან რჩება. იგივე ნომრით ახალი დადასტურებული შესვლა შეიძლება ახალ ანგარიშს ქმნიდეს და ბაღის მინიჭებულ წვდომას აღადგენდეს.

თუ გაქვთ მოქმედი თანამშრომლის როლი, მშობლის აპიდან ანგარიშის წაშლა მიუწვდომელია. მიმართეთ ბაღს როლის დასასრულებლად და მოგვწერეთ მონაცემებზე მოთხოვნისთვის.

11. თქვენი უფლებები

საქართველოს 2023 წლის კანონი „პერსონალურ მონაცემთა დაცვის შესახებ“, მოქმედი ცვლილებებით, გაძლევთ უფლებას მოითხოვოთ ინფორმაცია, წვდომა და ასლი, შესწორება, დამუშავების შეწყვეტა ან წაშლა და დაბლოკვა; შესაბამის შემთხვევებში — მონაცემების გადატანა და თანხმობის გამოთხოვა. უფლებებს აქვს კანონით განსაზღვრული პირობები და გამონაკლისები.

ბავშვის, ოჯახის ან თანამშრომლის ჩანაწერებზე ჯერ მიმართეთ ბაღს, როგორც დამმუშავებელს. შეგიძლიათ მოგვწეროთ [email protected]ზეც; დაგეხმარებით მოთხოვნის შესაბამის პირთან განხილვაში. თვითმომსახურების სრული ექსპორტი არ არსებობს: ასლის ან ექსპორტის მოთხოვნა გამოგზავნეთ ელფოსტით.

შეგიძლიათ მიმართოთ ზედამხედველ ორგანოს ან სასამართლოს. 2026 წლის 2 მარტიდან პერსონალურ მონაცემთა დაცვის სამსახურის უფლებამონაცვლეა სახელმწიფო აუდიტის სამსახური.

სახელმწიფო აუდიტის სამსახური — მონაცემთა დაცვის პორტალი

12. ბავშვები და ცვლილებები

Dayboo-ს ანგარიშები განკუთვნილია ზრდასრულებისთვის. ბავშვები არიან ჩანაწერების სუბიექტები და არა აპების მომხმარებლები.

პოლიტიკის შეცვლისას ამ გვერდზე გამოქვეყნდება ახალი ვერსია და ძალაში შესვლის თარიღი. კითხვებისთვის გამოიყენეთ ზემოთ მითითებული კონტაქტი.